Xalq deputatlari Parkent tumani Kengashiga 7-“Xisarak” saylov okrugidan saylangan deputat Mannonov Abduzarif Abduraufovich tomonidan Chinorbuloq MFY hududida joylashgan 49-sonli umumta’lim maktabida bolalar uchun sport inshootlari, ta’lim muassasidagi sport zali hamda sport anjomlarining mavjudligi va holati yuzasidan deputatlik nazorati doirasida o‘rganish olib borildi.
📌 O‘rganish davomida maktabdagi o‘quvchilar soni, jismoniy tarbiya fanini o‘qitish jarayoni, sport infratuzilmasining mavjud holati, sport inshootlari va ulardan o‘quvchilarning foydalanish imkoniyatlari ko‘zdan kechirildi.
📚 49-sonli umumta’lim maktabi 630 o‘rinli bo‘lib, ayni vaqtda unda 830 nafarga yaqin o‘quvchi tahsil olmoqda. Bu esa maktabda loyiha quvvatidan yuqori miqdorda o‘quvchi ta’lim olayotganini ko‘rsatadi.
📌 Shunga qaramay, o‘quvchilarning jismoniy tarbiya bilan muntazam shug‘ullanishi uchun maktabda bir qator zarur sport obyektlari mavjud. Jumladan:
         ⏺ yopiq sport zali;
         ⏺ mini-futbol maydonchasi;
       ⏺ voleybol maydonchasi;
        ⏺ workout maydonchasi faoliyat yuritmoqda.
📌 Jismoniy tarbiya fani o‘qituvchilari faoliyati ham o‘rganishning muhim yo‘nalishlaridan biri bo‘ldi. Ayni paytda maktabda 4 nafar jismoniy tarbiya fani o‘qituvchisi faoliyat olib bormoqda.
📌 Ularning 2 nafari oliy, 1 nafari birinchi va 1 nafari ikkinchi malaka toifasiga ega. Bu maktabda jismoniy tarbiya fanini o‘qitish uchun tegishli pedagogik kadrlar shakllanganini ko‘rsatadi.
📌 O‘rganish davomida mavjud sport inshootlaridan samarali foydalanish, o‘quvchilarni sportga keng jalb etish, sport mashg‘ulotlari uchun yaratilgan shart-sharoitlardan unumli foydalanish hamda sport anjomlari bilan ta’minlanganlik holatiga e’tibor qaratildi.
📌Bolalarni sportga jalb etish — ularning sog‘lom va barkamol ulg‘ayishining muhim omillaridan biridir. Shu bois ta’lim muassasalarida jismoniy tarbiya mashg‘ulotlarini sifatli tashkil etish, sport infratuzilmasini rivojlantirish va mavjud imkoniyatlardan samarali foydalanish masalalari deputatlik nazoratining muhim yo‘nalishlaridan biri hisoblanadi.
📌 O‘rganish davomida maktabdagi mavjud imkoniyatlardan samarali foydalanish, sport inshootlari va jihozlarini asrab-avaylash hamda o‘quvchilarni ommaviy sportga yanada keng jalb etish yuzasidan tegishli tavsiya va takliflar bildirildi.
⏺ Sport — sog‘lom avlod garovi!
⏺ Har bir bola — sport bilan!
⏺ Maktab sporti — kelajak poydevori!
✅ Sog‘lom avlod — kuchli jamiyat!