“#poytaxtdeputatlari #deputatlik_faoliyati
❗️Uch avlod uchrashuvi”

🏛 Xalq deputatlari Toshkent shahar Kengashi raisi Rustamxon Kalanov boshchiligida Yashnobod tumanidagi 156-sonli umumiy o‘rta ta’lim maktabida “Uch avlod uchrashuvi” tadbiri o‘tkazildi.

🔺 Uchrashuvda O‘zbekiston faxriylarining ijtimoiy faoliyatini qo‘llab-quvvatlash “Nuroniy” jamg‘armasi Boshqaruvi raisi Sodiqjon Turdiyev, Yashnobod tumani “Nuroniy” jamg‘armasi raisi B. Xudoyorov hamda xalq deputatlari Yashnobod tumani Kengashi deputatlari U. Muhammadiyev, T. Axmedova va N. Abduroziqova ishtirok etdi.

📁 Tadbirda Xalq deputatlari Toshkent shahar Kengashi raisi Rustamxon Kalanov nutq so‘zlab, yoshlarni nuroniylarning boy hayotiy tajribasidan saboq olishga, puxta bilim egallashga, Vatanga sadoqatli va mas’uliyatli inson bo‘lib voyaga yetishga chaqirdi. Shuningdek, avlodlar o‘rtasidagi uzviy muloqot va vorisiylikni mustahkamlashning muhim ahamiyatiga to‘xtaldi.

✅ Tadbir davomida nuroniylar o‘zlarining hayotiy va mehnat tajribasi, bosib o‘tgan yo‘li haqida yoshlar bilan o‘rtoqlashib, ularning kelgusidagi o‘qish hamda mehnat faoliyatida muvaffaqiyat qozonishlari uchun tavsiyalar berdi.

📚 O‘z navbatida, yoshlarning fikr-mulohazalari, qiziqishlari va kelajakdagi maqsadlari tinglandi. Ularning ta’lim olishi, kasb-hunar egallashi, bandligini ta’minlash hamda sport bilan muntazam shug‘ullanishi uchun yaratilgan sharoitlarga alohida e’tibor qaratildi.

🔎 Mazkur uchrashuv mahalliy Kengash deputatlari tomonidan o‘rganilishi belgilangan 24 ta muhim masala, xususan, yoshlar yetakchilari faoliyati samaradorligi, yoshlar bandligi, ta’lim va sport infratuzilmasining holatini o‘rganish yo‘nalishlari bilan hamohang bo‘ldi.

🤝 “Uch avlod uchrashuvi” avlodlar o‘rtasida tajriba almashish, o‘zaro hurmatni mustahkamlash hamda yoshlarni vatanparvarlik, mehnatsevarlik va mas’uliyat ruhida tarbiyalash uchun muhim muloqot maydoniga aylandi.

📱 Telegram 📱 Instagram 📱 Facebook 📱 YouTube 🔎 E-kengash