Мүбәрек Қурбан ҳайыты мүнәсибети менен елимиздиң барлық орынларында мийрим-шәпәәт, кеңпейиллик ҳәм өз-ара аўызбиршиликке толы түрли сақаўат ҳәм қайырқомлық илажлары шөлкемлестирилмекте. Халқымызға тән болған усы асыл қәдриятларды даўам еттириў мақсетинде, Шымбай районында да мүтәж инсанлардың кеўилин көтериўге қаратылған саўаплы жумыслар даўам етпекте.

Қайырқомлық илажы даўамында районымыздағы «Кеңес» аўыл пуқаралар жыйыны аймағында жасайтуғын, социаллық қорғаў реестринде турған 36 шаңарақтан хабар алынды. Бул шаңарақларға Қурбан ҳайыты байрамы мүнәсибети менен күнделикли турмыс ушын керекли болған азық-аўқат өнимлери берилди. Илажда Халық депутатлары Шымбай районлық Кеңесиндеги Өзбекстан ХДП депутатлық топары ағзасы А.Утепбергенова, “Кеңес АШП” басланғыш партия шөлкеми баслығы Б.Баймурзаева районлық «Инсан» социаллық хызметлер орайы хызметкерлери ҳәм «Мәҳәлле жетилиги» ағзалары қатнасты.

✍️ Бундай ғамхорлық ең биринши гезекте ҳәр бир шаңарақта байрам кейпиятын жаратыўға хызмет етпекте.