Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq tumanning “Daxana” mahallasida joylashgan 1-sonli umumta’lim maktabida o‘quvchilarning jismoniy tarbiya va sport bilan shug‘ullanishi uchun yaratilgan shart-sharoitlar, sport anjomlari bilan ta’minlanganlik holati O‘zbekiston Ekologik partiyasidan saylangan deputat S.Ramatjonov tomonidan o‘rganildi.

🔺O‘rganish davomida maktab sport zali hamda jismoniy tarbiya mashg‘ulotlarida foydalanilayotgan inventarlar holati batafsil ko‘zdan kechirildi.

🔺Jarayonda futbol, voleybol, basketbol va boshqa sport turlari uchun mo‘ljallangan jihozlarning mavjudligi, ularning texnik holati hamda foydalanishga yaroqlilik darajasiga alohida e’tibor qaratildi. Shuningdek, o‘quvchilarning sport bilan muntazam shug‘ullanishlari uchun yaratilgan imkoniyatlar, sport to‘garaklari faoliyati va mashg‘ulotlarning tashkil etilish holati ham tahlil qilindi.

🔺O‘rganish yakunlari bo‘yicha aniqlangan kamchiliklarni bartaraf etish, ta’lim muassasasining moddiy-texnik bazasini mustahkamlash hamda sport anjomlari bilan ta’minot darajasini yaxshilash yuzasidan tegishli tavsiyalar ishlab chiqilishi ma’lum qilindi.