Deputat va “mahalla yettiligi” hamkorligi.

        Xalq deputatlari Bag‘dod tumani Kengashi deputati S.Egamnazarova, Xalq demokratik partiyasi tuman Kengashi raisi D.Xamraqulov, Kengash kotibiyati mudiri G‘.Abdullayevlar tumandagi Karimbobo mahalla fuqarolari yig‘iniga borib, “Mahalla yettiligi” hamda saylovchilar bilan uchrashuvlar o‘tkazishdi. Uchrashuv davomida hududdagi maktab, maktabgacha ta’lim tashkiloti hamda tibbiyot muassasasiga borilib, mavjud muammolar o‘rganildi. O‘rganish natijasida mahallada maktabgacha ta’lim tashkilotiga bolalar qamrovi 50 % ga ham yetmasligi aniqlandi. 

 ️ Shuningdek, Karimbobo tumanning chekka mahallasi hisoblanib, tuman markazi bilan bog‘lovchi jamoat transportlarining fuqarolarga yaratilgan sharoitlari o‘rganildi. O‘rganish jarayonida fuqarolardan tushgan murojaatlarga asosan tegishli tashkilotlarga deputatlik so‘rovi yuborildi.

       Mahallada aniqlangan muammolarni bartaraf etish yuzasidan deputatlik nazorati o‘rnatildi.