ДЕПУТАТ НАЗОРАТИДА

Халқ депутатлари Уйчи туман Кенгаши 10-Тошлоқ сайлов округи депутати Ф. Отаханова

 “Тошлоқ” маҳалласида бўлиб, ПҚ–298-сонли қарор асосида амалга оширилаётган бунёдкорлик ва инфратузилмани яхшилаш ишларининг бориши билан яқиндан танишди.

Ўрганиш давомида ички йўлларни асфальтлаш, ичимлик суви тармоқларини янгилаш, электр таянчларини ўрнатиш ҳамда ҳудудни ободонлаштириш ишларининг ҳолати кўздан кечирилди.
Депутат томонидан ишларнинг белгиланган талаблар асосида, сифатли ва ўз вақтида бажарилиши, яратилган инфратузилманинг аҳоли учун қулай ва самарали бўлишига алоҳида эътибор қаратилди.
Шунингдек, маҳалла аҳолиси билан мулоқот қилиниб, фуқароларнинг таклиф ва мулоҳазалари тингланди. Аҳолини қийнаб келаётган масалалар, ободонлаштириш ишларини янада кенгайтириш бўйича билдирилган таклифлар ўрганилиб, уларни масъул ташкилотлар билан ҳамкорликда ҳал этиш чоралари белгилаб олинди.
Депутат Ф. Отаханова ҳудуддаги ўзгаришларни доимий назорат қилиб бориш, аҳоли мурожаатларига эътибор қаратиш ҳамда Кенгаш қарорларида белгиланган вазифаларнинг тўлиқ ва сифатли ижросини таъминлаш муҳимлигини таъкидлади.
“Тошлоқ”даги бу ўзгаришлар — рақамлардангина иборат эмас. Улар ҳар бир хонадон, ҳар бир кўча ва ҳар бир оила ҳаётида ўз ифодасини топмоқда.
Бугун “Тошлоқ”да обод кўчалар, янгиланаётган инфратузилма ва бунёдкорликка бел боғлаган аҳоли бор. Энг муҳими, маҳалла аҳли ўз ҳудудидаги янгиланишларнинг нафақат кузатувчиси, балки фаол иштирокчисига айланмоқда.
🌿 Обод маҳалла — фаровон ҳаёт, муносиб турмуш ва янги имкониятлар сари ишончли қадам!