Xalq deputatlari Qo‘qon shahar Kengashi deputati O'.Tojiyeva tomonidan fuqaro S.Mirzaqandovani bepul dori-darmon vositalari bilan ta’minlash masalasida yuborilgan deputatlik so‘roviga Qo‘qon shahar Tibbiyot birlashmasi boshlig‘i K.B.Sirojiddinov tomonidan rasmiy javob taqdim etildi.

Deputatlik so‘rovi asosida Qo‘qon shahar 10-oilaviy poliklinikasi bosh shifokori F.Mamajonov, oila shifokori X.Tojiyeva hamda patronaj hamshira Sh.Axmedovalar tomonidan Nurafshon MFY, Firdavsiy ko‘chasi, 16-uyda yashovchi, 1955-yilda tug‘ilgan fuqaro Mirzaqandova Saddixonning salomatligi va dori-darmon bilan ta’minlanish holati atroflicha o‘rganib chiqildi.

O‘rganish natijalariga ko‘ra, fuqaro S.Mirzaqandova 10-oilaviy poliklinikada dispanser nazoratida turishi hamda sog‘lig‘i bilan bog‘liq bir qator surunkali kasalliklar sababli muntazam tibbiy kuzatuvga muhtojligi aniqlandi.

Rasmiy javobda fuqaro amaldagi tartibga muvofiq har oyda bepul dori-darmon vositalari bilan ta’minlab kelinayotgani va ushbu jarayon tegishli daftarlarda qayd etilgani ma’lum qilindi.

Shu bilan birga, bemorga zarur bo‘lgan ayrim dori vositalari Sog‘liqni saqlash vazirligining 63-sonli buyrug‘i bilan tasdiqlangan ro‘yxatga kiritilmagani sababli ularni xususiy dorixonalardan xarid qilishga to‘g‘ri kelayotgani qayd etildi. Fuqaroning salomatligini muntazam kuzatib borish, dispanser nazoratini davom ettirish va belgilangan tartibda bepul dori-darmonlar bilan ta’minlash masalasi e’tiborga olindi.

Mazkur o‘rganish orqali fuqaroning murojaati tegishli mutaxassislar tomonidan ko‘rib chiqilib, uning tibbiy holati va dori-darmon ta’minoti yuzasidan zarur tushuntirishlar berildi.

Fuqaroning salomatligini kuzatib borish hamda amaldagi tartib doirasida bepul dori-darmonlar bilan ta’minlash masalasi deputat nazoratida bo‘lib, bu boradagi ishlar davom ettiriladi.

Xalq deputatlari Qo‘qon shahar Kengashi