SESSIYA QARORI IJROSI AMALDA: CHIG‘ANOQ MAHALLASIDA BUNYODKORLIK ISHLARI NAZORAT QILINDI

Xalq deputatlari Pop tuman Kengashi deputati E. O‘rmonov tuman Kengashining 17-sessiyasida qabul qilingan VII-17-2-6-84-K/26-sonli qaror ijrosi doirasida Chig‘anoq mahallasida amalga oshirilayotgan bunyodkorlik ishlari o‘rganildi.

O‘rganish davomida O‘zbekiston Respublikasi Prezidentining 2025-yil 8-oktabrdagi PQ-298-sonli qarori ijrosini ta’minlash maqsadida mahallada olib borilayotgan ishlar, jumladan, piyodalar yo‘lagi chetlariga tungi yoritish chiroqlarini o‘rnatish jarayoni ko‘zdan kechirildi.

Mazkur ishlar aholi uchun qulay va xavfsiz muhit yaratish, tungi vaqtda piyodalar harakatlanishi uchun zarur sharoitlarni ta’minlash hamda mahalla infratuzilmasini yaxshilashga xizmat qiladi.