Xalq deputatlari Parkent tuman Kengashiga 13-«Istiqbol» saylov okrugidan saylangan deputat Maxmudova Baxtinisa Zuxriddinovna tashabbusi bilan o‘quvchi-yoshlarning ma’naviy dunyoqarashini kengaytirish, ularning diniy-ma’rifiy savodxonligini oshirish hamda sog‘lom ma’naviy muhitni mustahkamlashga qaratilgan ma’naviy-ma’rifiy tadbir tashkil etildi.
🔵 Tadbir Respublika Ma’naviyat va ma’rifat markazi Parkent tuman bo‘linmasi hamda Din ishlari bo‘yicha qo‘mitaning Toshkent viloyati Parkent tumani bosh mutaxassisi Turg‘unboyev Farxod bilan hamkorlikda, «Jaholatga qarshi — ma’rifat» mavzusida o‘tkazildi.
⏺ Tadbir davomida deputat ishtirokida yoshlarni ma’rifatli, mustaqil fikrlaydigan, turli zararli g‘oyalar ta’siriga tushib qolmaydigan, o‘zining mustahkam hayotiy qarashlariga ega shaxslar etib tarbiyalash masalalariga alohida e’tibor qaratildi.
⏺ Shuningdek, jaholatning salbiy oqibatlari, yoshlarni turli yot g‘oyalar va zararli ta’sirlardan asrash, diniy-ma’rifiy bilimlarni oshirish hamda yosh avlodda mafkuraviy immunitetni shakllantirish yuzasidan tushuntirishlar berildi.
⏺ Milliy va umuminsoniy qadriyatlarni asrab-avaylash, Vatanga muhabbat, bag‘rikenglik, o‘zaro hurmat va ezgu fazilatlar ruhida kamol topishning ahamiyati ta’kidlandi. O‘quvchi-yoshlarni har qanday ma’lumotga ongli va tanqidiy yondashishga, bilim olishga intilishga hamda bo‘sh vaqtlarini mazmunli tashkil etishga undash tadbirning muhim yo‘nalishlaridan biri bo‘ldi.
⏺ Deputat Maxmudova Baxtinisa Zuxriddinovnaning ushbu tadbirdagi ishtiroki yoshlar bilan ishlash, ularning ma’naviy-ma’rifiy tarbiyasiga e’tibor qaratish va saylov okrugida dolzarb bo‘lgan masalalarni hamkorlikda hal etishga qaratilgan deputatlik faoliyatining muhim yo‘nalishlaridan biridir.
✨ Tadbirning asosiy maqsadi — o‘quvchi-yoshlarning ma’naviy dunyoqarashini boyitish, ularni jaholat va zararli g‘oyalar ta’siridan himoya qilish, mustaqil fikrlash qobiliyatini rivojlantirish hamda jamiyatda sog‘lom ma’naviy muhitni mustahkamlashdan iborat.
🇺🇿 Xalq deputatlari Parkent tuman Kengashi yoshlar ma’naviyatini yuksaltirish, ularning intellektual salohiyatini rivojlantirish va barkamol avlodni tarbiyalashga qaratilgan tashabbuslarni qo‘llab-quvvatlashga alohida e’tibor qaratadi.