Xalq deputatlari Yunusobod tumani Kengashi deputati I.Ashrapova tomonidan “Oktabr — Keksalar haftaligi” doirasida tumanda istiqomat qilayotgan Ikkinchi jahon urushi faxriysi hamda 100 yoshdan oshgan besh nafar uzoq umr ko‘rayotgan keksalar holidan xabar olindi.

🤝Tashrif davomida keksalar bilan samimiy suhbatlar o‘tkazilib, ularning hayotiy tajribalari, bosib o‘tgan yo‘llari va ezgu tilaklari tinglandi. Ularga sihat-salomatlik, uzoq umr, xonadonlariga tinchlik-xotirjamlik va fayzu baraka tilandi.

🙏O‘z navbatida, faxriylarimiz yurtimiz tinchligi, xalqimiz farovonligi va Prezidentimizga uzoq umr tilab, ezgu duolar qilishdi.

⚖️Huquqiy asos: O‘zbekiston Respublikasi Konstitutsiyasining 57-moddasida ijtimoiy jihatdan ehtiyojmand toifalarni davlat tomonidan qo‘llab-quvvatlash kafolatlari belgilangan. Shuningdek, “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi Qonun keksalarni ijtimoiy qo‘llab-quvvatlashning muhim huquqiy asoslaridan biridir.

💚Keksalarni e’zozlash, ularning duosini olish va hayotiy tajribalarini qadrlash — milliy qadriyatlarimizning ajralmas qismidir.