Fuqaro murojaati o‘rganilib, huquqiy tushuntirish berildi
Shodlik mahallasida jinoyatchilikning oldini olish masalalari o‘rganildi

Xalq deputatlari Oqoltin tumani Kengashi deputatlari N.Turdiyev va O.Aliqulov tomonidan tuman Kengashining navbatdagi 36-sessiyasi kun tartibiga kiritilishi rejalashtirilgan masala yuzasidan Shodlik mahallasi profilaktika inspektori bilan uchrashuv o‘tkazildi.

O‘rganish davomida joriy yilning III choragi mobaynida mahallada jinoyat sodir etilmagani, 1 nafar fuqaro jazoni ijro etish koloniyasidan qaytgani hamda 8 nafar fuqaro probatsiya hisobida turgani ma’lum bo‘ldi.

Shuningdek, mahalla hududida 28 ta kuzatuv kamerasi mavjud bo‘lsa-da, ular profilaktika inspektori xonasiga ulanmagani aniqlandi. Bundan tashqari, inspektor xonasida mavjud bo‘lgan bir dona monitor ishlamayotgani qayd etildi.