Amudaryo tuman hokimi, Xalq deputatlari Amudaryo tuman Kengashi deputati Sobir Xo‘jametov boshchiligidagi rahbarlar 3-Do‘stlik saylov okrugidagi 3-sonli muhandislik texnikumida tahsil olayotgan yoshlar bilan uchrashib, ta’lim maskanining joriy faoliyatini o‘rgandi.

Uchrashuvda o‘quvchilarning fikr va takliflari tinglandi.
Texnikumning quvvati 936 o‘rin bo‘lib, 100 o‘rinli yotoqxona va oshxona mavjud, 45 nafar pedagog ishlaydi. 16 ta yo‘nalish bo‘yicha 586 nafar o‘quvchi kunduzgi, sirtqi va dual ta’lim shakllarida tahsil olmoqda.

O‘tgan o‘quv yilida muassasani tamomlagan 97 bitiruvchidan 25 nafari oliy ta’limga qabul qilingan, 62 nafarining bandligi ta’minlangan, 10 nafari tadbirkorlik faoliyatini boshlagan.