Xalq deputatlari Oltinsoy tuman Kengashi deputati Qarshiyev Muzaffar Mirzaxmadovich tomonidan tuman hokimining o‘rinbosari T.Chorshanbiyevga rasmiy deputat so‘rovi yuborildi.

📌 Murojaat va muammoning mohiyati:

Obshir mahallasi fuqarolarining murojaatiga ko‘ra, 2024-yilgi «Ochiq budjet» dasturining birinchi mavsumi doirasida 1 milliard 640 million so‘m mablag‘ hisobidan 21-sonli maktab balansidagi yer maydonida mini-stadion va kurash zali qurib bitkazilgan.

Biroq, bino foydalanishga tayyor bo‘lsada, bugungi kunga qadar zarur sport anjomlari va jihozlari bilan ta’minlanmagan. Natijada, mahalla yoshlarining kurash bilan muntazam shug‘ullanishi hamda ajratilgan davlat mablag‘lari hisobidan barpo etilgan inshootdan unumli foydalanish imkoniyati cheklanmoqda.

📌 Deputat so‘rovida quyidagi masalalarni hal etish so‘ralgan:

Sport anjomlari bilan ta’minlash: Kurash zalini zarur inventarlar, jumladan kurash gilami, sport matlari va boshqa jihozlar bilan ta’minlash hamda bular uchun mablag‘ manbalari va yetkazib berish muddatlarini belgilash;

Mashg‘ulotlarni samarali yo‘lga qo‘yish: Zal faoliyatini to‘laqonli yo‘lga qo‘yish, yoshlar uchun muntazam mashg‘ulotlar tashkil etish hamda zarur hollarda malakali murabbiylarni jalb etish;

Mas’ullarni belgilash: Belgilangan chora-tadbirlarning o‘z vaqtida va sifatli amalga oshirilishini ta’minlash.
Ko‘tarilgan ushbu masala ijrosi yuzasidan qonunchilikda belgilangan muddatlarda asoslantirilgan javob xati taqdim etilishi kutilmoqda.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz