Hududlarda tadbirkorlikni rivojlantirish, aholi bandligini ta’minlash va kichik biznes subyektlari faoliyatini qo‘llab-quvvatlash deputatlik nazoratining muhim yo‘nalishlaridan biridir. Ayniqsa, mahallalarda amalga oshirilayotgan tadbirkorlik loyihalarining amaliy natijalarini o‘rganish, mavjud imkoniyatlarni baholash va faoliyatni rivojlantirishga to‘sqinlik qilayotgan masalalarni aniqlash alohida ahamiyat kasb etadi.

Shu maqsadda Xalq deputatlari Marg‘ilon shahar Kengashining 12-Toshkesar saylov okrugi deputati X.Mashrabaeva tomonidan Tuyagum mahallasida faoliyat yuritayotgan yakka tartibdagi tadbirkor M.Abdullayevga tegishli tikuv sexi faoliyati o‘rganildi.

O‘rganish davomida tikuvchilik faoliyatining tashkil etilishi, tadbirkorga biriktirilgan loyihaning amalga oshirilish holati hamda ishlab chiqarish faoliyatini rivojlantirish imkoniyatlariga e’tibor qaratildi. Shuningdek, bunday loyihalarning mahallada yangi ish o‘rinlarini yaratish, aholi daromadlarini oshirish va tadbirkorlik tashabbuslarini rag‘batlantirishdagi ahamiyati muhim ekani qayd etildi.

Tikuvchilik kabi ishlab chiqarish yo‘nalishlarini rivojlantirish nafaqat tadbirkorlik subyektining iqtisodiy faolligini oshiradi, balki mahalliy mehnat resurslaridan samarali foydalanish uchun ham imkoniyat yaratadi. Shu bois tadbirkorlik loyihalarining ijrosini muntazam kuzatib borish, ularning natijadorligini baholash va aniqlangan masalalar yuzasidan tegishli choralar ko‘rish muhimdir.

Deputatlik o‘rganishining asosiy maqsadi — biriktirilgan loyiha ijrosini nazorat qilish, tadbirkorlik faoliyatining amaliy holatini o‘rganish va mavjud imkoniyatlardan samarali foydalanishga ko‘maklashishdan iborat.

Bunday o‘rganishlar deputatlik nazoratining hududiy iqtisodiy jarayonlardagi ishtirokini kuchaytirish, tadbirkorlik tashabbuslarini qo‘llab-quvvatlash hamda aholi bandligini ta’minlashga qaratilgan ishlarning natijadorligini oshirishga xizmat qiladi.