Prezidentimizdiń 2023-jıl 10-oktyabrdegi PQ-330-sanlı qararına tiykar 2023-2026-jıllarda ámelge asırılıwı belgilengen joybarlar sheńberinde Qaraózek rayonı orayınan Qaraózek awıl puqaralar jıyını orayına alıp barıwshı avtomobil jolınıń 0-10 km aralıǵına asfalt qaplaması tósew belgilenip, Xalıq deputatları Qaraózek rayonlıq Keńesi 17-sanlı Jiyen jıraw saylaw okrugi deputatı A.Reymov hám sekretariat bas qánigesi M.Atajanovlar búgingi kúndegi qurılıs ońlaw jumısları barısı menen tanıstı. Ózbekstan Respublikası Prezidentiniń 2025-jıl 27-dekabrdegi PQ-393-sanlı qararına tiykar, Berdaq APJ aymaǵındaǵı 10-sanlı ulıwma orta bilim beriw mákemesi imaratında iri ońlaw jumısların islew belgilenip, ulıwma bahası 10,25 mlrd swmdı quraydı. Bunnan soń sol aymaqtaǵı 10-sanlı mektep búgingi kúnde alıp barılıp atırılǵan qayta rekonstrukciya jumısları menen tanıstı.