Xalıq deputatları Qaraózek rayonlıq Keńesi deputatı B.Nietullaev, sekretariat bas qánigesi M.Atajanov rayonlıq qurılıs hám úy-jay kommunal xojalıǵı bólimi wákilleri menen Qaraózek rayonı "Qutlı mákan" MPJ aymaǵınan kesip ótiwshi kollektor ornına jabıq drenaj jumısların ámelge asırıw belgilengenligi esabınan "Rayxan" kóshesinde alıp barılıp atırılǵan qurılıs jumısları barısı menen tanıstı. Xalıq deputatları Qaraózek rayonlıq Keńesi jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiya baslıǵı, deputat B.Nietullaev rayon orayında jaylasqan ǵárezsizlik maydanshasında qayta ońlaw hám rekonstrukciyalaw jumısların barıp kórdi hám joybar haqqında maǵlıwmat penen tanıstı. Sonday-aq, "Qaraqalpaq suw támiynatı" juwapkershiligi sheklengen jámiyeti Qaraózek rayonlıq bólimi jańa binasında alıp barılıp atırılǵan qurlıs jumısları menen tanıstı.