130-sonli DMTTning Oshxona foaliyati o‘rganildi

📌 Xalq deputatlari Olmazor tuman Kengashi deputati P.Ziyo, Kotibiyat bosh mutaxassisi U.Shopotixov hamda O‘zbekiston Xalq demokratik partiyasi Olmazor tuman Kengashi raisi X.Xamidovlar tomonidan Olmazor tumanidagi 130-sonli davlat maktabgacha ta’lim tashkilotida o‘rganish ishlari olib borildi.

🔎 O‘rganish davomida maktabgacha ta’lim tashkilotining kuz-qish mavsumiga tayyorgarligi, isitish tizimi, mavjud shart-sharoitlar, moddiy-texnik holati hamda muassasaning ijtimoiy holatiga alohida e’tibor qaratildi.

🤝 Shuningdek, tarbiyalanuvchilar uchun yaratilgan sharoitlar, ta’lim-tarbiya jarayonining tashkil etilishi va mavjud muammo hamda kamchiliklarni aniqlash masalalari ko‘rib chiqildi. Aniqlangan masalalar yuzasidan tegishli tavsiyalar ishlab chiqish va ularning ijrosini nazoratga olishga e’tibor qaratildi.

⚖️ Huquqiy asos: O‘zbekiston Respublikasi Vazirlar Mahkamasining 2025-yil 6-yanvardagi 1-sonli “Davlat maktabgacha ta’lim tashkilotlarida sog‘lom ovqatlantirish tartibini takomillashtirish chora-tadbirlari to‘g‘risida”gi qarori ijrosini tumanda o`rganish masalasi muhokama qilindi.