11-oktabr — Xalqaro qizlar kuni munosabati bilan “Alfraganus”universitetida “Qizlar — hayot va taraqqiyot bunyodkorlari” mavzusida uchrashuv bo‘lib o‘tdi.

🇺🇿Mazkur tadbirda O‘zbekiston Ekologik partiyasidan Xalq deputatlari Yunusobod tumani Kengashi deputati Natalya Voropayeva faol ishtirok etdi.

✅Uchrashuv davomida qizlarning jamiyat taraqqiyotidagi o‘rni, ularning salohiyatini ro‘yobga chiqarish, hayotiy maqsadlarini belgilash, o‘z kuchiga ishonchini mustahkamlash hamda belgilangan marralarga erishishga intilishini qo‘llab-quvvatlash masalalari muhokama qilindi.

👩🏻‍🏫Shuningdek, mamlakatimizda xotin-qizlarning huquq va manfaatlarini himoya qilish, ular uchun teng imkoniyatlar yaratish hamda yoshlarni qo‘llab-quvvatlashga qaratilgan qonunchilik hujjatlarining ahamiyatiga e’tibor qaratildi.

Jumladan, O‘zbekiston Respublikasining “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni hamda “Yoshlarga oid davlat siyosati to‘g‘risida”gi Qonuni xotin-qizlar va yoshlarning huquqlarini ta’minlash, ularning jamiyat hayotidagi faolligini oshirish uchun muhim huquqiy asos bo‘lib xizmat qiladi.

✅Tadbir yakunida Natalya Voropayeva Xalqaro qizlar kuniga bag‘ishlangan tadbirda faol ishtirok etgani, yoshlarni qo‘llab-quvvatlashga qo‘shgan hissasi, qizlarni o‘z maqsadlariga erishishga ruhlantirgani hamda ularning o‘z imkoniyatlariga bo‘lgan ishonchini mustahkamlash yo‘lidagi faoliyati uchun “Alfraganus” universitetining tashakkurnomasi bilan taqdirlandi.