BIR DEPUTAT — YUZ AYOLGA KO‘MAKCHI

O‘zLiDeP Uychi tuman Kengashi deputati Nodira Mamadalieva faoliyat yuritayotgan 3-sonli politexnikumda «Bir deputat — yuz ayolga ko‘makchi» loyihasi doirasida navbatdagi uchrashuv o‘tkazildi.

Unda O‘zLiDeP Uychi tuman Kengashi apparat rahbari S. Bozorbaeva hamda politexnikum jamoasi, xotin-qizlar va yoshlar ishtirok etdi.

Uchrashuv davomida xotin-qizlarning jamiyatdagi faolligini oshirish, ularning bilim va ko‘nikmalarini rivojlantirish, bo‘sh vaqtlarini mazmunli tashkil etish hamda kitobxonlik madaniyatini yuksaltirish masalalariga alohida e’tibor qaratildi.

Tadbirda kitobxonlikning inson ma’naviyati, tafakkuri va dunyoqarashini kengaytirishdagi muhim o‘rni haqida fikr almashildi. Kitob o‘qigan ayol — bilimli, ma’naviyati yuksak, mustaqil fikrlaydigan va o‘z oilasi hamda jamiyat rivojiga munosib hissa qo‘sha oladigan shaxs, ekani ta’kidlandi.

Shuningdek, xotin-qizlarni qo‘llab-quvvatlash, ularning muammolarini o‘rganish, bandligini ta’minlash, kasb-hunarga yo‘naltirish va mavjud imkoniyatlardan samarali foydalanish masalalari yuzasidan ham fikrlar bildirildi.

Deputat Nodira Mamadalievaning deputatlik faoliyati davomida xotin-qizlar va yoshlar bilan olib borayotgan ishlari, ularning murojaatlarini o‘rganish, muammolarini tegishli tashkilotlarga yetkazish va amaliy yechim topish borasidagi faoliyati haqida ham so‘z yuritildi.

Tadbir davomida ishtirokchilar o‘zlarini qiziqtirgan savollar bilan murojaat qildilar. Kitobxonlik, ta’lim, kasb-hunar egallash, bandlik, xotin-qizlar uchun yaratilayotgan imkoniyatlar hamda ularni qo‘llab-quvvatlash borasida o‘zaro fikr almashildi.

Uchrashuv yakunida xotin-qizlarning huquq va manfaatlarini himoya qilish, ularning jamiyatdagi faolligini oshirish hamda har tomonlama qo‘llab-quvvatlash borasidagi ishlarni izchil davom ettirish zarurligi ta’kidlandi.

«Bir deputat — yuz ayolga ko‘makchi» loyihasi doirasidagi bunday uchrashuvlar xotin-qizlarni qo‘llab-quvvatlash, ularning muammolariga yechim topish va yangi imkoniyatlar yaratishda muhim ahamiyat kasb etmoqda.