Xalq deputatlari Uchquduq tuman Kengashi 3-Ko‘kpatas saylov okrugi deputati M.Kuzenbayev tomonidan Mingbuloq OFYda ovul ijtimoiy xodimining nogironligi bo‘lgan shaxslar bilan olib borayotgan faoliyati o‘rganildi.

O‘rganish davomida ovul hududida istiqomat qiluvchi nogironligi bo‘lgan fuqarolarning ijtimoiy holati, mavjud ehtiyojlari va muammolarini aniqlash, ularga amaldagi qonunchilik asosida ijtimoiy xizmatlar ko‘rsatish hamda davlat tomonidan belgilangan imtiyozlardan foydalanishiga ko‘maklashish borasida amalga oshirilayotgan ishlar ko‘rib chiqildi.

Jumladan, ijtimoiy xodim tomonidan nogironligi bo‘lgan shaxslarning murojaatlari va ehtiyojlarini o‘rganish, ularga zarur ijtimoiy xizmatlarni tashkil etish, tegishli tashkilotlar bilan hamkorlikda muammolarini hal etishga ko‘maklashish hamda mavjud imtiyoz va imkoniyatlardan foydalanishlari bo‘yicha tushuntirishlar berish holatiga e’tibor qaratildi.

Shuningdek, davlat tomonidan nogironligi bo‘lgan shaxslar uchun yaratilgan imkoniyat va imtiyozlarning fuqarolarga yetkazilishi, ularning amalda to‘g‘ri qo‘llanilishi hamda ijtimoiy xizmatlarning manzilliligi o‘rganildi.
O‘rganish jarayonida fuqarolarning huquq va manfaatlarini himoya qilish, ularning ijtimoiy ko‘makka bo‘lgan ehtiyojlarini o‘z vaqtida aniqlash va zarur yordamni tashkil etish muhimligi qayd etildi.

Aniqlangan masalalar yuzasidan tegishli mas’ullarga tavsiyalar berilib, ijtimoiy xizmatlar sifatini yanada yaxshilash va nogironligi bo‘lgan shaxslarni qo‘llab-quvvatlashbo‘yicha ishlarni izchil davom ettirish zarurligi ta’kidlandi.

Deputatlik nazorati doirasidagi o‘rganishlar davom ettiriladi