#Kengash_sessiyasi #bandlik_masalasi

BANDLIK VA KAMBAG‘ALLIKNI QISQARTIRISH BO‘YICHA MUHIM KO‘RSATKICHLAR QAYD ETILDI

📇 Xalq deputatlari Uchtepa tumani Kengashi sessiyasida Uchtepa tumani Kambag‘allikni qisqartirish va bandlikka ko‘maklashish bo‘limi boshlig‘i Fazliddin Taxirovning “Uchtepa tumanida aholi bandligini ta’minlash va kambag‘allikni qisqartirish borasida 2026-yilning o‘tgan davrida amalga oshirilgan ishlar to‘g‘risida”gi hisoboti eshitildi.

💹 Hisobotda qayd etilishicha, 2026-yilning 9 oyi davomida 1 974 nafar fuqaro bandlik bo‘limiga murojaat qilgan bo‘lib, 1 005 nafari doimiy ishga joylashtirilgan, 967 nafari kasb-hunarga yo‘naltirilgan. Mehnat migratsiyasidan qaytgan 2 850 nafar fuqaroning 1 580 nafarining bandligi ta’minlangan.

🗂 O‘zbekiston Respublikasi Prezidentining “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida” 2026-yil 5-fevraldagi PQ-49-son qarori doirasida 5 159 nafar fuqaroning daromadi oshirilgan, bu boradagi belgilangan reja 102 foizga bajarilgan.

⏫️ Kambag‘al oilalardan 9 617 nafar aholiga daromadini oshirish va kambag‘allikdan chiqarishga qaratilgan xizmatlar ko‘rsatilib, reja 174 foizga bajarilgan. Natijada 2 238 nafar fuqaro tadbirkorlikka jalb etilgan, 352 nafari doimiy ishga joylashtirilgan. Eng muhim natijalardan biri — tumanda kambag‘allik darajasi 2026-yil 1-yanvardagi 3,8 foizdan 1-oktabr holatiga 1,8 foizgacha kamaygan.

🧠 Mazkur ko‘rsatkichlar tuman miqyosida aholi bandligini ta’minlash, daromadlarini oshirish va kambag‘allikni qisqartirish borasida amalga oshirilayotgan ishlarning amaliy natijasini ko‘rsatadi.