Xalq deputatlari Qo‘qon shahar Kengashi deputati M.Axmedova tomonidan o‘z saylov okrugi hududiga qarashli “G‘alchasoy” mahalla fuqarolar yig‘inida o‘tkazilgan ko‘cha o‘rganishlari davomida hududdagi Rudakiy ko‘chasining ta’mirtalab holatda ekani aniqlangan edi.

Mazkur masala yuzasidan deputat tomonidan tegishli mas’ul tashkilotlarga deputatlik so‘rovi yuborilib, ko‘chani ta’mirlash masalasi deputatlik nazoratiga olindi.

Olib borilgan amaliy ishlar natijasida mazkur masala ijobiy yechim topib, Rudakiy ko‘chasida asfaltlash ishlari boshlandi.

️Ta’mirlash ishlarining borishi va sifatini o‘rganish maqsadida deputat M.Axmedova hududga tashrif buyurib, amalga oshirilayotgan asfaltlash ishlari bilan yaqindan tanishdi.

Deputat tomonidan yo‘l ta’mirlash ishlarining belgilangan talablar asosida sifatli amalga oshirilishi hamda hudud aholisi uchun qulay sharoit yaratish masalalariga alohida e’tibor qaratildi.

Xalq deputatlari Qo‘qon shahar Kengashi