Қәўипсиз бақша: Жумысшы топар тәрепинен Мәмлекетлик мектепке шекемги билимлендириў мәкемелеринде үйрениў жумыслары даўам етпекте

✅ Өзбекстан ХДП Шымбай районлық кеңеси ҳәм Халық депутатлары Шымбай районлық Кеңеси секретариаты, Кеңес жанындағы «Жаслар мәслаҳа топары» ағзалары ҳәм де тийисли тараў кәнигелери менен биргеликте «Жипек жолы» МПЖ аймағындағы 20-санлы мәмлекетлик мектепке шекемги билимлендириў шөлкемесинде гезектеги үйрениў жумыслары алып барылды.

📌 Илажда Өзбекстан ХДП Шымбай районлық кеңеси баслығы С.Нурмамбетов, Халық депутатлары Шымбай районлық Кеңеси секретариаты бас қәнигеси Н.Бердимуратов, Кеңес жанындағы «Жаслар мәслаҳат топары» ағзалары ҳәм тийисли тараў қәнигелери қатнасты.

♻️ Илаж даўамында мәкемедеги санитариялық-гигиеналық ҳәм өрт қәўипсизлиги талапларына әмел етилиўи, электр үскенелериниң сазлығы ҳәм балалардың қәўипсизлигин тәмийинлеў илажлары ҳәр тәреплеме талланды. Соның менен бирге, тәрбияланыўшылар ушын жаратылған улыўма шараятлар, азық-аўқат өнимлерин сақлаў ҳәм аўқатларды таярлаў процесслери айрықша көзден өткерилди. Буннас тысқары шөлкем жумысын және де нәтийжели шөлкемлестириў, билимлендириў ҳәм қәўипсизлик талапларын күшейтиў және анықланған кемшиликлерди сапластырыў бойынша жуўапкерлерге тийисли усыныслар берилди.

✍️ Орынларда үйрениў жумыслары даўам етпекте.