🔰Bandlik va kambag‘allikni qisqartirish masalalari – doimiy komissiya e’tiborida

🇺🇿Xalq deputatlari Jondor tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi bo‘lib o‘tdi.
♦️Yig‘ilishda O‘zbekiston Respublikasining “Aholi bandligi to‘g‘risida”gi Qonuni 39, 40 va 41-moddalari, shuningdek, O‘zbekiston Respublikasi Prezidentining 2025-yil 4-avgustdagi PF-126-son Farmoni ijrosini Jondor tumanida ta’minlash borasida amalga oshirilayotgan ishlar muhokama qilindi.
♦️Kun tartibidagi masala yuzasidan tuman Kambag‘allikni qisqartirish va bandlikka ko‘maklashish bo‘limi boshlig‘i Sh. Boboyevning axboroti tinglandi.
♦️Muhokamalar davomida aholini, ayniqsa, ishsiz fuqarolarni doimiy va daromadli mehnat faoliyatiga jalb etish, yangi ish o‘rinlari yaratish, tadbirkorlik tashabbuslarini qo‘llab-quvvatlash hamda fuqarolarning bandligini ta’minlash borasida amalga oshirilayotgan ishlar atroflicha ko‘rib chiqildi.
♦️Shuningdek, mahallalarda aholi bandligini ta’minlash, mehnat bozoridagi mavjud imkoniyatlardan samarali foydalanish, kasb-hunarga o‘qitish va tadbirkorlik faoliyatini yo‘lga qo‘yish orqali oilalarning daromadlarini oshirish masalalariga alohida e’tibor qaratildi.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt