Xalq deputatlari Oltinsoy tumani Kengashining 17-“Shakarqamish” saylov okrugidan saylangan deputat Tavasharov Xamro Ziyayevich hamda Kengash kotibiyati bosh mutaxassisi A. Esanov ishtirokida “Yakkatut” mahalla fuqarolar yig‘inida aholi va saylovchilar bilan navbatdagi uchrashuv o‘tkazildi.

Uchrashuv davomida fuqarolar tomonidan bildirilgan murojaat va takliflar atroflicha o‘rganilib, aholining asosiy daromad manbalaridan biri bo‘lgan tomorqa yer maydonlari hamda ekinlarni sug‘orish uchun suv ta’minotini yaxshilash masalasiga alohida e’tibor qaratildi.

Xususan, hududdagi mavjud suv tarmog‘i va ariqlar joyiga chiqib ko‘zdan kechirildi. Fuqarolar murojaatida ko‘tarilgan masala yuzasidan suvning yo‘qotilishining oldini olish, suv oqimining samaradorligini oshirish hamda tomorqa va ekin maydonlarini suv bilan ta’minlashni yaxshilash maqsadida ariq o‘zanini tozalash, qazish va muammoli qismlarini betonlash zarurati o‘rganildi.

O‘rganish davomida mavjud muammoli holatlar tahlil qilinib, ularni bartaraf etish bo‘yicha tegishli takliflar shakllantirildi.

O‘rganish natijalariga ko‘ra:

mavjud ariq o‘zanlarini tozalash va chuqurlashtirish;
suv oqimini yaxshilash maqsadida ayrim qismlarini qayta qazish;
suv yo‘qotilishi yuqori bo‘lgan va muammoli qismlarni betonlash;
tomorqa va ekin maydonlarini uzluksiz sug‘orish imkoniyatlarini yaxshilash;
mazkur masalalarni tegishli tashkilotlar bilan hamkorlikda hal etish yuzasidan zarur choralarni ko‘rish belgilandi.

Fuqarolar tomonidan bildirilgan murojaat deputatlik nazoratiga olinib, masalani amaliy jihatdan hal etish hamda ijrosini ta’minlash bo‘yicha tegishli tashkilotlarga deputatlik so‘rovi chiqorish belgilandi.

Saylovchilar murojaatlari — doimiy e’tiborda va deputatlik nazoratida.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz