Xalq deputatlari Parkent tuman Kengashiga 17-“Bo‘rsiliq” saylov okrugidan saylangan deputat, doimiy komissiya raisi Muxitdinov Xusnitdin Muxitdinovich tomonidan Parkent tumani Yo‘llardan foydalanish korxonasi davlat muassasasi rahbari F. Axmatxonovga 45-ds-485-26-son deputat so‘rovi yuborilgan edi.
📌 Deputat so‘rovida saylovchilar bilan uchrashuvlar va hudud faollari bilan suhbatlar davomida aniqlangan yo‘l harakati xavfsizligi bilan bog‘liq masalalar ko‘tarilgan.
📌 Xususan, Navro‘z MFY hududidagi Sho‘rob ko‘chasida joylashgan, maktablar va maktabgacha ta’lim tashkilotlariga qatnovchi o‘quvchi hamda tarbiyalanuvchilar foydalanadigan piyodalar yo‘lakchasi yaqinidagi piyodalar o‘tish joyida yo‘l chiziqlarini yangilash masalasiga e’tibor qaratilgan.
📌 Mazkur hududdan 10-sonli va 43-sonli umumiy o‘rta ta’lim maktablari, shuningdek, xususiy maktabgacha ta’lim tashkilotlariga qatnovchi bolalar muntazam foydalanishi sababli yo‘l harakati xavfsizligini ta’minlash muhimligi ta’kidlangan.
📌 Deputat so‘roviga Parkent tuman Yo‘llardan foydalanish korxonasi tomonidan rasmiy javob taqdim etildi.
📌 Javobda Navro‘z MFY hududidan o‘tuvchi 10V157 “Yoshlik q. – Navbahor q. – Qiziltog‘ q. – Parkent” avtomobil yo‘lining 11–12-kilometr oralig‘ida piyodalar o‘tish joyining yo‘l chiziqlari mavjudligi, biroq eskirgan yo‘l chiziqlari qayta chizilishi belgilanganligi ma’lum qilingan.
📌 Korxona tomonidan eskirgan piyodalar o‘tish joyi yo‘l chiziqlari 15 kun muddatda qayta chizilishi bildirildi.
📌 Mazkur choralarning amalga oshirilishi, avvalo, aholi, maktab o‘quvchilari va maktabgacha ta’lim tashkilotlari tarbiyalanuvchilarining yo‘l harakati xavfsizligini ta’minlashga xizmat qiladi.
✅ Deputat so‘rovlarining amaliy natijaga yo‘naltirilishi hududlarda fuqarolarni qiynayotgan masalalarni aniqlash, tegishli tashkilotlar oldiga qo‘yish va ularning yechimi ustidan deputatlik nazoratini olib borishda muhim ahamiyat kasb etadi.