Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat S.Ramatjonov tomonidan tumanning “Daxana” mahallasiga biriktirilgan xotin-qizlar faoli N.To‘ychiyevaning “Ayollar daftari”ga kiritilgan xotin-qizlar bilan ishlash, ularning ijtimoiy holatini o‘rganish va mavjud muammolarini hal etish bo‘yicha olib borayotgan faoliyati o‘rganildi.

🔻O‘rganish jarayonida “Ayollar daftari”ga kiritilgan xotin-qizlar bilan manzilli ishlash, ularning ehtiyoj va muammolarini aniqlash hamda har bir holatdan kelib chiqib amaliy ko‘mak ko‘rsatish masalalariga alohida e’tibor qaratildi. Xususan, xotin-qizlarning ijtimoiy ahvoli, oilaviy sharoiti, bandligi va daromad manbalari bilan bog‘liq masalalarni o‘rganish, zarur hollarda ularni tegishli ijtimoiy yordam va xizmatlarga yo‘naltirish bo‘yicha amalga oshirilayotgan ishlar tahlil qilindi.

🔻Deputat tomonidan xotin-qizlar faoliga "Ayollar daftari"dagi har bir xotin-qizning muammosini chuqur o‘rganish, ko‘rsatilayotgan yordamlarning manzilliligi va natijadorligini ta’minlash, hal etilmagan masalalarni tegishli tashkilotlar bilan hamkorlikda bartaraf etish bo‘yicha tavsiyalar berildi.