O‘zbekiston Respublikasi Oliy Majlisi Senati Kengashining 2025-yil 28-yanvardagi KQ-51-V-son qarorining 5-bandiga muvofiq, tuman va shahar hokimliklari zimmasiga Kengashlar faoliyati uchun zarur shart-sharoitlar yaratish, ularning moddiy-texnik bazasini mustahkamlash hamda faoliyatini namunali tashkil etish vazifasi yuklatilgan.

Mazkur topshiriqlar ijrosini ta’minlash maqsadida Xalq deputatlari Namangan viloyati Kengashi raisi S.Muminov tomonidan 2026-yil 4-fevralda KK-01/01-20-sonli xat chiqarilgan.

Bugun ushbu topshiriqlar ijrosini o‘rganish maqsadida viloyat Kengashi kotibiyati mudiri T.Gapparov Namangan shahar Kengashiga tashrif buyurdi.

Tashrif davomida Kengash faoliyatini tashkil etish, moddiy-texnik ta’minot holati hamda belgilangan vazifalar ijrosi o‘rganilib, aniqlangan kamchiliklarni bartaraf etish va ish samaradorligini oshirish bo‘yicha tegishli tavsiyalar berildi.