Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat F.Axmedov tomonidan tumanning “Sijjak” mahalla fuqarolar yig‘inida mahalla raisi ishtirokida fuqarolar qabuli o‘tkazildi.

Qabul davomida mahallaning 20 nafar fuqarolari deputatga murojaat qildilar.

Xususan, kadastr sohasiga oid murojaatlarda fuqarolarning tegishli hujjatlarni rasmiylashtirish, mavjud masalalarni hal etish va huquqiy jihatdan aniqlik kiritish bilan bog‘liq muammolari ko‘tarildi.
Shuningdek, mahallada maishiy chiqindilarni o‘z vaqtida olib chiqib ketish, chiqindilarni tashish xizmati bilan bog‘liq masalalar ham aholi tomonidan ko‘tarildi. Murojaatlar yuzasidan mavjud holatni o‘rganish va tegishli mas’ullar bilan birgalikda muammolarni bartaraf etish zarurligiga e’tibor qaratildi.
Qabul jarayonida moddiy yordamga muhtoj fuqarolarning murojaatlari ham ko‘rib chiqildi. Bunday murojaatlar bo‘yicha fuqarolarning ijtimoiy holatini o‘rganish, mavjud imkoniyatlar doirasida amaliy yordam ko‘rsatish masalalariga e’tibor qaratildi.
Bandlik masalasida murojaat qilgan fuqarolarning ish bilan ta’minlanishi, ularning mavjud imkoniyat va qobiliyatlaridan kelib chiqib mos ish o‘rinlariga yo‘naltirilishi bo‘yicha tegishli choralarni ko‘rish zarurligi ta’kidlandi.

🔻Qabul davomida har bir murojaat alohida tinglanib, fuqarolarga ularni hal etish tartibi va keyingi amaliy choralar yuzasidan tushuntirishlar berildi. Ayrim masalalarni joyida hal etish imkoniyati mavjud bo‘lsa, qo‘shimcha o‘rganish va ma’lum vaqt talab qiladigan murojaatlar deputat so‘rovi asosida ko‘rib chiqilishi belgilab olindi.