“Zarafshon” mahallasida aholini kambag‘allikdan chiqarish ishlari o‘rganildi

🇺🇿Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi J. Norov hamkorligida “Zarafshon” mahallasida aholini kambag‘allikdan chiqarish borasida amalga oshirilayotgan ishlar o‘rganildi.
⚡️O‘rganish davomida mahallada kambag‘allikni qisqartirish, oilalarning daromad manbalarini kengaytirish, ishsiz fuqarolarni doimiy va mavsumiy ish bilan ta’minlash, tadbirkorlik va o‘zini o‘zi band qilish imkoniyatlaridan samarali foydalanish bo‘yicha olib borilayotgan ishlar tahlil qilindi.
⚡️Shuningdek, kambag‘al oilalarni aniqlash va ularning muammolarini manzilli hal etish, ehtiyojmand fuqarolarni mavjud imtiyoz va ko‘maklardan foydalanishga yo‘naltirish masalalariga alohida e’tibor qaratildi.
⚡️Mas’ullarga aniqlangan muammolarni bartaraf etish, aholi bandligini ta’minlash hamda oilalarning barqaror daromad manbalarini shakllantirish bo‘yicha ishlarni yanada kuchaytirish yuzasidan tegishli tavsiyalar berildi.
⚡️Aholini kambag‘allikdan chiqarish, ularning farovonligini oshirish va munosib turmush sharoitlarini yaratish borasidagi ishlar deputatlik nazorati asosida davom ettiriladi.