Xalq deputatlari Yangiobod tuman Kengashi deputati G. Raimova tomonidan tuman Yo‘llardan foydalanish davlat muassasasida 2026-yil kuz-qish mavsumiga tayyorgarlik holatiga e’tibor qaratildi.

Qish mavsumida avtomobil yo‘llarida harakat xavfsizligini ta’minlash, yo‘llarni soz holatda saqlash va noqulay ob-havo sharoitlarida yuzaga kelishi mumkin bo‘lgan muammolarning oldini olish muhim vazifalardan hisoblanadi.

Jarayon davomida muassasaning mavsumga tayyorgarligi, maxsus texnikalar, qor tozalash va yo‘lga xizmat ko‘rsatish vositalarining sozligi, zarur materiallar zaxirasi hamda texnikalarni mavsum davomida ishga shay holda saqlash masalalariga e’tibor qaratildi.

Shuningdek, qor yog‘ishi, muzlama va boshqa noqulay ob-havo sharoitlarida yo‘llarda uzluksiz va xavfsiz harakatni ta’minlash, muammoli yo‘l uchastkalarida tezkor choralar ko‘rish hamda texnikalarni belgilangan yo‘nalishlarda safarbar etish bo‘yicha mas’ullar bilan fikr almashildi.

O‘rganish yakunida kuz-qish mavsumini betalafot o‘tkazish uchun mavjud imkoniyatlardan samarali foydalanish, aniqlangan kamchiliklarni bartaraf etish va zarur tayyorgarlik ishlarini o‘z vaqtida yakunlash yuzasidan tegishli tavsiyalar berilib, mas’ullarga vazifalar belgilandi.