Xalq deputatlari Amudaryo tuman Kengashi deputati, Kengash kotibiyati mudiri Mansur Urazbayev hamda "Adolat" SDP va O‘zbekiston Ekologik partiyasi tuman Kengashlari rahbarlari hamkorlikda Respublika Ma’naviyat va ma’rifat markazi Amudaryo tumani bo‘linmasida bo‘lishdi.

Uchrashuvda bo‘linma tomonidan tumanda ma’naviy-ma’rifiy muhitni barqarorlashtirish, aholi va yoshlar o‘rtasida kitobxonlik milliy qadriyatlarni targ‘ib qilish borasida amalga oshirilayotgan ishlar ko‘rib chiqildi.

Muloqot chog‘ida kelgusida hamkorlikda amalga oshiriladigan quyidagi ustuvor vazifalar muhokama qilindi:

📚 Yoshlar ma’naviyatini yuksaltirish: Aholi va yoshlar o‘rtasida huquqiy va ma’naviy-ma’rifiy targ‘ibot tadbirlarini tizimli tashkil etish;
🌿 Ekologik madaniyatni shakllantirish: Ekologik partiya bilan hamkorlikda atrof-muhitni muhofaza qilish, "Yashil makon" loyihasi va ekologik madaniyatni oshirishga qaratilgan amaliy uchrashuvlarni o‘tkazish;
⚖️ Ijtimoiy adolat va ma’rifat: "Adolat" SDP vakillari bilan birgalikda jamiyatda qonun ustuvorligini ta’minlash hamda milliy va ma’naviy qadriyatlarni keng targ‘ib qilish bo‘yicha qo‘shma loyihalarni amalga oshirish.

Muloqot yakunida ma’naviy-ma’rifiy ishlarning ta’sirchanligini oshirish hamda tumandagi tashkilotlar va mahallalarda ushbu yo‘nalishdagi hamkorlik tadbirlarini bosqichma-bosqich o‘tkazish bo‘yicha aniq reja va vazifalar belgilab olindi.