💧Xalıqtı taza ishimlik suwı menen támiyinlew máselesi úyrenildi.

📝 Xalıq deputatları Nókis rayonlıq Keńesine 20-Abadan saylaw okruginen deputat Qurbanbaev Rawaj Eshanovich hám Ózbekstan Ekologiyalıq partiyası Nókis rayonlıq Keńesi penen birgelikte “Baqanshaqlı” APJda úyreniw jumısları alıp barıldı.

🔎 Úyreniw dawamında xalıqti taza ishimlik suwı menen támiyinlew, bar mashqalalar hám máhállede alıp barılıp atırǵan jumıslardıń jaǵdayı kózden ótkerildi.

Sonday-aq, xalıq tárepinen bildirilgen múrájat hám usınıslar tıńlanıp, bar mashqalalardı saplastırıw hám olardıń ámeliy sheshimin tabıw boyınsha tiyisli ilajlardı belgilew boyınsha pikir alısıldı.

📌 Úyreniw juwmaqları boyınsha anıqlanǵan máselelerdi tiyisli shólkemler menen birgelikte sheshiw, xalıqtı sapalı ishimlik suwı menen támiyinlew hám aymaqtaǵı sharayatlardı jáne de jaqsılawǵa qaratılǵan jumıslardı dawam ettiriw belgilendi.