Qoraqalpog‘istonda yangilanish va taraqqiyotning yangi manzillari tobora kengaymoqda. Prezidentimiz Shavkat Mirziyoyevning 18-19 sentyabr kunlari Qoraqalpog‘iston Respublikasiga amalga oshirgan ikki kunlik tashrifi hudud hayotidagi muhim voqea sifatida tarix sahifalaridan o‘rin oldi.

Prezidentimiz Sh.M.Mirziyoyevning Qoraqalpog‘istonga tashrifi va tashrif davomidagi yurtimiz uchun berilgan imtiyozlar, belgilangan islohotlar haqida keng jamoatchilikka yetkazish maqsadida joylarda bir qator uchrashuvlar o‘tkazilmoqda. 

Shunday uchrashuvlarning biri Xo‘jayli tumani Mustaqillik QFY hududidagi 14-sonli umumiy ta’lim maktabida bo‘lib o‘tdi. Uchrashuvda Xalq deputatlari Xo‘jayli tumani Kengashi deputati O.Abdireymov, tuman Kengashi kotibiyati bosh mutaxassisi R.Torenov va hudud aholisi ishtirok etdi.

Uchrashuvda so‘zga chiqqanlar ushbu tashrif oddiy xizmat safari emas, balki Qoraqalpog‘istonning yaqin va uzoq istiqbolini belgilab bergan, yangi imkoniyatlarni aniq vazifalarga aylantirgan muhim dasturiy ishlar bo‘lganligini ta’kidladi.