#Deputatlik_nazorati #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati

❗️MAHALLADAGI UCHRASHUVDA FUQAROLAR YO‘L HARAKATI BILAN BOG‘LIQ MASALANI KO‘TARDI

🏛 Xalq deputatlari Toshkent shahar Kengashi deputati Nigora Eshmetovaning Yunusobod tumanidagi “Qashqar” mahallasi aholisi bilan o‘tkazgan uchrashuvida fuqarolar tomonidan hududdagi transport harakati bilan bog‘liq muammo ko‘tarilib, uni hal etishda amaliy yordam so‘raldi.

🔺 Fuqarolar Markaz-4 hududidagi 5-sonli umumta’lim maktabi oldidagi yo‘lda o‘rnatilgan “Kirish taqiqlangan” yo‘l belgisi sabab mahalla aholisi, o‘quvchilar va ularning ota-onalari harakatlanishida qator noqulayliklar yuzaga kelayotganini bildirdilar. Ayniqsa, maktabda darslarning boshlanishi va tugashi vaqtida transport harakatining cheklanishi tirbandliklarga sabab bo‘layotgani qayd etildi.

🛣 Uchrashuv davomida aholi tomonidan mazkur vaziyatni tegishli mutaxassislarni jalb qilgan holda bevosita joyiga chiqib o‘rganish taklif qilindi. Tirbandliklarning oldini olish, o‘quvchilar va ota-onalar uchun erkin hamda qulay harakatlanish sharoitini yaratish maqsadida soat 07:00 dan 18:00 gacha bir tomonlama harakatni joriy etish, zarur hollarda esa transport vositalarining ikki tomonlama harakatlanishiga ruxsat berish imkoniyatlarini ko‘rib chiqish so‘raldi.

📋 Shuningdek, fuqarolar yo‘l harakati xavfsizligi talablaridan kelib chiqib, hudud uchun eng maqbul harakatlanish tartibini belgilash hamda zarur yo‘l belgilarini o‘rnatish masalasini ham ko‘tardilar.

🗣 Mazkur murojaat mahalliy Kengash deputati faoliyatining muhim yo‘nalishlaridan bo‘lgan mahalla ichki ko‘chalari holati, transport harakati va tirbandliklar, yo‘l harakati xavfsizligini ta’minlash, shuningdek, fuqarolarni qiynayotgan masalalarni bevosita joyiga chiqib o‘rganish vazifalari bilan bog‘liq.

🤝 Nigora Eshmetova mahalla aholisi tomonidan bildirilgan taklif va murojaatlarni tinglab, ko‘tarilgan masalani tegishli mutaxassislar bilan birgalikda o‘rganish, bunda o‘quvchilar xavfsizligi hamda fuqarolar uchun qulay harakatlanish sharoitlarini ta’minlash masalalariga alohida e’tibor qaratish zarurligini qayd etdi.

💡 Uchrashuvda ko‘tarilgan masalaning asosiy maqsadi — maktab atrofi va mahalla ichki ko‘chalarida tirbandliklarning oldini olish, piyodalar va o‘quvchilar xavfsizligini ta’minlash hamda aholi uchun qulay harakatlanish muhitini yaratishdan iborat.

📱 Telegram 📱 Instagram 📱 Facebook 📱 YouTube 🔎 E-kengash