Xalq deputatlari Karmana tumani Kengashi kotibiyati bosh mutaxassisi D. Shamsiddinova “Madad” NNT bilan hamkorlikda fuqarolarga bepul huquqiy yordam ko‘rsatish bo‘yicha amalga oshirilgan ishlarni tahlil qildi.
Tahlil davomida fuqarolardan kelib tushgan murojaatlar, ularga ko‘rsatilgan huquqiy yordam yo‘nalishlari hamda murojaatlarni ko‘rib chiqish natijalari o‘rganildi.
Shuningdek, aholining huquqiy bilim va xabardorligini oshirish, fuqarolarning qonuniy huquq va manfaatlarini himoya qilish hamda huquqiy maslahat xizmatlarini yanada takomillashtirish masalalariga alohida e’tibor qaratildi.
Mazkur yo‘nalishdagi ishlar fuqarolarning huquqiy muammolarini hal etishda amaliy ko‘mak ko‘rsatish va aholining huquqiy madaniyatini yuksaltirishga qaratilgan.