Oltinsoy tumani “Jiyanbobo” mahallasi aholisi tomonidan mavjud elektr ustunlarini zamonaviy beton ustunlarga almashtirish yuzasidan murojaatlar kelib tushgan.

🔍 Mazkur murojaatlarni o‘rganish va mavjud muammoga amaliy yechim topish maqsadida Xalq deputatlari Oltinsoy tumani Kengashining 11-“Guliston” saylov okrugidan saylangan deputat Mamatmuratov Azamat Karamatovich hududga chiqib, mavjud holatni joyiga borgan holda o‘rgandi.

📋 O‘rganish yakunlari asosida deputat tomonidan
“Jiyanbobo” mahallasidagi elektr ta’minoti bilan bog‘liq mazkur masala Xalq deputatlari Oltinsoy tumani Kengashining navbatdagi sessiyasida deputatlik tashabbusi sifatida ko‘tarildi.

🏛 Deputat tashabbusi sessiya kun tartibiga kiritilib, masala yuzasidan tegishli qaror qabul qilindi hamda belgilangan tartibda zarur mablag‘lar ajratildi.

⚡️ Ajratilgan mablag‘lar hisobidan mahalladagi mavjud elektr ustunlarini zamonaviy beton ustunlarga almashtirish maqsadida yangi beton ustunlar xarid qilinib, hududga yetkazib berildi.

🤝 Mazkur amaliy ishlar aholining murojaatlarini joyida o‘rganish, mavjud muammolarni deputatlik tashabbusi orqali tegishli tartibda hal etish hamda fuqarolarga qulay va xavfsiz sharoit yaratishga qaratilgan.

Deputat tashabbusi — aholi murojaatidan amaliy natijagacha.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz