Xalq deputatlari Zomin tuman Kengashi deputati P.Tojiboyev tomonidan hududda olib borilayotgan obodonlashtirish va ko‘kalamzorlashtirish ishlari bilan tanishildi.

O‘rganish davomida hududdagi ko‘chalar, jamoat joylari, ichki yo‘llar va atrof-muhitning sanitariya-obodonlik holati ko‘zdan kechirildi. Shuningdek, hududni toza va ozoda saqlash, yashil maydonlarni asrab-avaylash, daraxt va gulzorlarni parvarishlash hamda obodonlashtirish ishlarini tizimli tashkil etish masalalariga e’tibor qaratildi.

Jarayon davomida aniqlangan ayrim muammo va kamchiliklar muhokama qilinib, ularni bartaraf etish, hududning tashqi ko‘rinishini yanada yaxshilash hamda obodonlashtirish ishlarining sifatli va samarali olib borilishini ta’minlash yuzasidan mas’ullarga tegishli tavsiya va takliflar bildirildi.

🔹 Deputat tomonidan hududda tozalik va obodonlikni ta’minlash, mavjud kamchiliklarni o‘z vaqtida bartaraf etish hamda aholiga qulay va obod muhit yaratish borasidagi ishlarni doimiy nazorat qilib borish zarurligi ta’kidlandi.