Mamlakatimiz mustaqilligining 35 yilligi munosabati bilan o‘tkazilayotgan “Mahallada obodlik va mehr-saxovat oyligi” tadbirlari doirasida Chilonzor tumanida keng ko‘lamli obodonlashtirish va bunyodkorlik ishlari jadal sur’atlarda olib borilmoqda.
Chilonzor tumani hokimi, Xalq deputatlari Chilonzor tumani Kengashi deputati Xolxo‘jayev Saidqahhor Muhammadkarim o'g'li o‘z okrugi hududidagi Novza mahallasida amalga oshirilayotgan obodonlashtirish ishlari bilan yaqindan tanishdi.
Tashrif davomida hududni obodonlashtirish, sanitariya holatini yaxshilash, ko‘kalamzorlashtirish, ichki ko‘chalarni tartibga keltirish hamda aholi uchun qulay va ozoda muhit yaratishga qaratilgan ishlarning borishi ko‘zdan kechirildi.
Shuningdek, mas’ullarga obodonlashtirish ishlarini sifatli va belgilangan muddatlarda yakunlash, hududni yanada fayzli va ko‘rkam maskanga aylantirish yuzasidan tegishli topshiriqlar berildi.