O‘zbekiston Respublikasi Prezidentining 2016-yil 28-oktabrdagi PQ-2646-son qarorida belgilangan vazifalar ijrosi doirasida tadbirkorlik subyektlarini davlat ro‘yxatidan o‘tkazish va hisobga qo‘yish tartiblarini tushuntirishga qaratilgan targ‘ibot tadbiri Abu Saxiy savdo markazida tashkil etildi.

Tadbirda 17-Bekto‘pi saylov okrugi xalq deputati Xusainov Alisher Abduvahobovich Toshkent shahar statistika boshqarmasi boshlig‘i o‘rinbosari Shakarov Behruz Bazarbayevich, Toshkent shahar statistika boshqarmasi Aholini ro‘yxatga olish bo‘limi boshlig‘i o‘rinbosari Xakimov Majiddin Jo‘vliyevich hamda Chilonzor tumani statistika bo‘limi boshlig‘i Tohirov Davronbek Ulug‘bek o‘g‘li ishtirok etdilar.

Tadbir davomida tadbirkorlarga davlat ro‘yxatidan o‘tish tartibi, tadbirkorlik faoliyatini qonuniy asosda tashkil etishning afzalliklari hamda amaldagi qonunchilik talablariga rioya etish masalalari yuzasidan tushuntirishlar berildi. Shuningdek, statistik hisob va ro‘yxatga olish jarayonlariga oid ma’lumotlar taqdim etilib, ishtirokchilarni qiziqtirgan savollarga mutaxassislar tomonidan batafsil javoblar berildi.

Uchrashuvdan ko‘zlangan asosiy maqsad tadbirkorlarning huquqiy bilimlarini mustahkamlash, davlat ro‘yxatidan o‘tish tartib-taomillari to‘g‘risida xabardorligini oshirish va tadbirkorlik faoliyatini qonuniy yuritishga ko‘maklashishdan iborat.

Bunday targ‘ibot tadbirlari tadbirkorlar va tegishli tashkilotlar o‘rtasidagi hamkorlikni mustahkamlash, qonuniylik tamoyillarini keng targ‘ib etish hamda ochiq va shaffof ishbilarmonlik muhitini rivojlantirishga xizmat qiladi.

Qonuniylik va shaffoflik — tadbirkorlik rivoji va iqtisodiy barqarorlikning muhim omilidir.