#Ishsizlik_va_kambagʻallikni_qisqartirish

Aholi farovonligi va ijtimoiy qo‘llab-quvvatlash — deputatlik nazorati markazida
Inson qadrini ulug‘lash, aholining ijtimoiy himoyaga muhtoj qatlamlarini qo‘llab-quvvatlash hamda yoshlarning ta’lim olishi uchun munosib sharoitlar yaratish bugungi davlat siyosatining ustuvor yo‘nalishlaridan biridir. Usg‘or g‘oyalarni hayotga tatbiq etish maqsadida joylarda aholi murojaatlarini o‘rganish va ularga amaliy yordam ko‘rsatish ishlari izchil davom ettirilmoqda.
Xususan, Xalq deputatlari Qo‘shko‘pir tuman Kengashi kotibiyati bosh mutaxassisi S.Matyaqubova hamda tuman Kengashi deputati R.Ismoilova "Bahoriston" mahallasida bo‘lib, mahalla ijtimoiy xodimi A.Abdullayev bilan birgalikda hududdagi ijtimoiy vaziyatni atroficha o‘rgandilar.
O‘rganishlar doirasida "Ijtimoiy himoya yagona reyestri"da turuvchi, Al-Xorazmiy ko‘chasi, 18-uyda istiqomat qiluvchi fuqaro Eshniyozov Hamid Alimovichning xonadoniga tashrif buyurilib, oilaning munosib turmush sharoiti va ehtiyojlari atroflicha tahlil qilindi.
Ma’lum bo‘lishicha, H.Eshniyozovning 4 nafar farzandi bo‘lib, ulardan 2 nafari oliy ta’lim muassasalarida to‘lov-kontrakt asosida tahsil olmoqda. Yoshlarning bilim olishga bo‘lgan intilishini rag‘batlantirish hamda oilaga amaliy yordam ko‘rsatish maqsadida, bir nafar farandining to‘lov-kontrakt summasi qoplab berilishi belgilandi.