#24_MÁSELE
📍 Bazarlarǵı bahalar hám ónimlerdiń jetkilikliligi úyrenildi
Xalıq deputatları Bozataw rayonlıq Keńesi 12-sanlı «Aspantay» saylaw okruginen deputat, G.Jumanazarova tárepinen Aspantay APJ aymaǵında xalıq tutınıwı ushın eń zárúr bolǵan azıq-awqat ónimleriniń bahaları, ónimlerdiń jetkilikliligi hám olardıń xalıq talabın qandırıw jaǵdayı menen tanıstı.
Úyreniw dawamında tiykarǵı azıq-awqat ónimleriniń bahalarına, sapasına, bazarlardaǵı ónimlerdiń jetkilikliligine hám olardıń úzliksiz jetkerip beriliwine itibar qaratıldı.
Sonday-aq, sawda orınlarında xalıq ushın qolaylı sharayat jaratıw, bahalardıń turaqlılıǵın támiyinlew hám tutınıwshılar máplerin qorǵaw másеleleri boyınsha pikirler úyrenildi.
Tiykarǵı maqset — xalıqtı sapalı hám qol jetimli bahadaǵı azıq-awqat ónimleri menen támiyinlew, bazarlardaǵı baha turaqlılıǵın saqlaw hám puqaralardıń kúndelikli zárúrliklerin qandırıwǵa járdemlesiw.