🇺🇿Uzun tumanida yoshlar o'rtasida sog'lom turmush tarzini targ'ib qilish, ularni yot g'oyalar va asrimiz vabosi bo'lgan giyohvandlik illatidan asrashga qaratilgan "Biz giyohvandlikka qarshimiz!" ko'rik-tanlovi yuqori saviyada o'tkazildi.

Mazkur muhim tadbirda Xalq deputatlari Uzun tumani Kengashi raisi Dilorom Safarova ishtirok etib, yoshlar bilan yaqindan muloqot qildi.

Tanlov davomida so'z olgan Dilorom Safarova bugungi kunda mamlakatimizda yoshlarning bo'sh vaqtini mazmunli tashkil etish, ularning iste'dod va salohiyatini ro'yobga chiqarish hamda zararli odatlardan yiroq bo'lishlarini ta'minlash davlat siyosatining ustuvor yo'nalishlaridan biri ekanligini alohida ta'kidladi. Shuningdek, har bir o'g'il-qiz Vatanimiz ravnaqi uchun sog'lom va barkamol avlod bo'lib ulg'ayishi zarurligini qayd etib, faol ishtirokchilarga o'zining samimiy tilaklarini bildirdi.

Tadbir davomida yoshlar o'zlarining sahna ko'rinishlari, bellashuvlar hamda ijodiy chiqishlari orqali giyohvandlikning achchiq oqibatlarini ochib berib, sog'lom turmush tarzini targ'ib etishdi.