ФУҚАРОЛАР МУРОЖААТИ АСОСИДА КЎЧАЛАРНИ ОБОДОНЛАШТИРИШ ИШЛАРИ ЎРГАНИЛДИ.

Халқ депутатлари Уйчи туман Кенгаши котибияти бош мутахассиси Б. Жўраев томонидан Пастгузар маҳалласидаги Янгийўл кўчасида ободонлаштириш ва кўкаламзорлаштириш ишларининг ҳолати ўрганилди.
Ўрганиш давомида фуқаролар мурожаатлари, кўчадаги мавжуд муаммолар ҳамда байрам арафасида ҳудудни янада обод ва кўркам ҳолатга келтириш бўйича амалга оширилаётган ишларга алоҳида эътибор қаратилди.
Шунингдек, кўча ҳудудини тозалаш, ободонлаштириш, тартибга келтириш ва аҳоли учун қулай шароит яратиш юзасидан масъулларга тегишли тавсия ва кўрсатмалар берилди.
Халқ депутатлари Уйчи туман Кенгаши фуқаролар мурожаатларини ўрганиш ва уларда кўтарилган масалаларни амалий ҳал этиш, ҳудудларни ободонлаштириш ишларини депутатлик назорати асосида давом эттиради.