Yoshlar o‘rtasida jinoyatchilikning oldini olish bo‘yicha uchrashuv o‘tkazildi

Xalq deputatlari Oqoltin tuman Kengashi deputati E. Babayev tomonidan Mustaqillik mahallasida yoshlar bilan uchrashuv tashkil etildi.

Uchrashuv davomida yoshlar o‘rtasida jinoyatchilik va huquqbuzarliklarning oldini olish, qonunlarga hurmat ruhida tarbiyalash, bo‘sh vaqtni mazmunli tashkil etish hamda yoshlarning jamiyatdagi mas’uliyatini oshirish masalalariga alohida e’tibor qaratildi.

Shuningdek, yoshlarga turli salbiy illatlardan yiroq bo‘lish, ta’lim olish va kasb-hunar o‘rganishga intilish, kelajakda munosib o‘rin egallash yuzasidan tavsiyalar berildi.