Chaman MFYda fuqarolar bilan uchrashuv o‘tkazilib, mavjud muammolar o‘rganildi

Xalq deputatlari Namangan shahar Kengashi deputati Z. Sapayev tomonidan Chaman mahallasi hududida fuqarolar bilan uchrashuv tashkil etildi.

Uchrashuv davomida aholini qiynayotgan muammolar, mavjud masalalar va ularning yechimiga qaratilgan takliflar tinglandi.

Deputat tomonidan fuqarolar murojaatlarini joyida o‘rganish maqsadida mahalla hududiga chiqilib, mavjud muammolar bevosita ko‘zdan kechirildi.

O‘rganish jarayonida bildirilgan murojaat va takliflar yuzasidan tegishli mas’ullar bilan suhbatlashilib, muammolarni hal etish imkoniyatlari muhokama qilindi.

Mazkur faoliyat Mahalliy Kengash deputati faoliyatining eng muhim 24 ta yo‘nalishi bo‘yicha tavsiyalar doirasida fuqarolar murojaatlarini o‘rganish, mahalladagi mavjud muammolarni aniqlash hamda ularni hal etish choralarini ko‘rish vazifalariga muvofiq amalga oshirildi.

Shuningdek, Kengashning 162 ta qonun hujjatini doimiy komissiyalar kesimidagi taqsimoti asosida sohaga oid qonunchilik talablari inobatga olinib, fuqarolarning murojaatlari bilan ishlashda “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonuni, O‘RQ-445-son, 2017-yil 11-sentabr talablariga e’tibor qaratildi.

Uchrashuv va joyiga chiqib o‘rganish yakunlari bo‘yicha aniqlangan muammolarni bartaraf etish, fuqarolar murojaatlarida ko‘tarilgan masalalarni hal qilish hamda ularning ijrosini ta’minlash yuzasidan mas’ullarga tegishli topshiriqlar berildi va belgilangan vazifalar ijrosi deputatlik nazoratiga olindi.

🟦🟦🟦🟦🟦🟦