O‘rganish davomida elektr tarmog‘iga tegishli tayanch ustunining yo‘lning qatnov qismiga noo‘rin joylashtirilgani sababli avtomobillar va fuqarolarning erkin harakatlanishiga to‘sqinlik qilayotgani aniqlandi.
Mazkur masalani tezkor hal etish maqsadida tuman elektr tarmoqlari korxonasi vakillari jalb etilib, mavjud holat joyida ko‘zdan kechirildi. Deputatlik tashabbusi asosida elektr tayanch ustunini yo‘l chetiga ko‘chirish hamda harakatlanish uchun qulay va xavfsiz sharoit yaratish masalasi muhokama qilindi.
Ma'sullar tomonidan muammoni bartaraf etish yuzasidan tegishli choralar ko‘rilishi va tayanch ustunini qisqa muddatda yo‘l chetiga ko‘chirish orqali fuqarolar hamda transport vositalarining erkin harakatlanishini ta’minlash ma’lum qilindi.