Avval xabar berilganidek, Kuyovboshi mahallasidagi I.Karimov, Ibn Sino, Temur, Al-Buxoriy, Malik va Nishona ko‘chalarida yashovchi fuqarolarning tomorqa yerlarini sug‘orish uchun oqova suv yetib kelmayotgani yuzasidan murojaatlari joyiga chiqqan holda o‘rganilgan edi.

Mazkur masala yuzasidan tegishli mutasaddi tashkilotlarga xabar berilib, muammoni bartaraf etish bo‘yicha amaliy ishlar boshlandi.

Ayni paytda aholi xonadonlariga suv yetkazib berishni ta’minlash maqsadida zarur yo‘nalishlarda ariq ochish va suv yo‘lini tayyorlash ishlari olib borilmoqda.

Amalga oshirilayotgan ishlar yakunlangach, ushbu hududda yashovchi fuqarolarning tomorqa yerlarini sug‘orish imkoniyati yaxshilanib, tez orada aholi xonadonlariga suv yetkazib berilishi kutilmoqda.
Fuqarolar murojaatlarida ko‘tarilgan masalalarning amaliy yechimini ta’minlash, muammolarni joyida o‘rganish va ularning ijrosini nazorat qilish borasidagi ishlar davom ettirilmoqda.