Joriy yilning 6 oktabr kuni viloyatda faoliyat olib borayotgan mahalliy Kengashlar faoliyatini yanada oshirish yuzasidan Kengash kotibiyati hodimlari ishtirokida navbatdagi yig'ilish bo'lib o'tdi

Yig'ilish kun tartibida asosiy masala Senat markazi tomonidan berilgan topshiriqlar hamda Kengashlar tomonidan hafta davomida amalga oshirilayotgan Ish rejadagi vazifalar, deputatlar faoliyatining eng muhim 24 ta yo'nalishi bo'yicha tavsiyalardan kelib chiqib, barcha deputatlar o'zlari saylangan saylov okruglarida deputatlik nazorat-tahlil tadbirlarini olib borish, saylovchilar bilan uchrashuvlar o'tkazish, 162 ta eng muhim qonunlar ijrosini o'rganish, mahalla yettiligi bilan hamkorlikni kengaytirish orqali muammolarni o'rganish, chiqarilayotgan qarorlarning huquqiy asoslari to'g'riligi kabi masalalar muhokama qilindi.

Kengash kotibiyati bosh mutaxassislari yo'l quyilayotgan kamchiliklar yuzasidan o'z fikrlarini bildirdi.

Shuningdek, xalq deputatlari tuman (shahar) Kengash kotibiyatlari xodimlari amalga oshirilayotgan ishlar yuzasidan taklif, fikr-mulohazalarini bildirdi.