Xalq deputatlari Parkent tumani Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna,tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi raisi, deputat Muxitdinov Xusnitdin Muxitdinovich, 4-“Bo‘ston” saylov okrugidan saylangan deputat Usiplxodjayev Yerlan Ormanovichlar tomonidan hududda yangi bunyod etilayotgan “Qoshchinor ma’rifat markazi”ning joriy holati o‘rganildi.
❇️ O‘rganish davomida mazkur madaniyat va ma’rifat maskanida olib borilayotgan qurilish-bunyodkorlik ishlari, obyektning bugungi holati, yaratilayotgan sharoitlar hamda kelgusida markazdan samarali foydalanish bilan bog‘liq masalalarga alohida e’tibor qaratildi.
❇️ Bugungi kunda hududlarda zamonaviy madaniyat va ma’rifat muassasalarini barpo etish, aholining bo‘sh vaqtini mazmunli tashkil etish hamda yoshlarning ijodiy salohiyatini ro‘yobga chiqarish uchun zarur shart-sharoitlarni yaratish muhim vazifalardan biridir.
📚 “Qoshchinor ma’rifat markazi” ham ana shu maqsadlarga xizmat qiladigan, aholining ma’naviy-ma’rifiy ehtiyojlarini qondirishga qaratilgan zamonaviy maskanlardan biri bo‘lishi ko‘zda tutilmoqda.
❇️ Markazning foydalanishga topshirilishi bilan hudud aholisi uchun turli madaniy-ma’rifiy tadbirlar, uchrashuvlar, ijodiy kechalar, kitobxonlik targ‘iboti va yoshlarning bo‘sh vaqtini mazmunli tashkil etishga qaratilgan tadbirlarni o‘tkazish imkoniyatlari kengayadi.
❇️ Ayniqsa, yosh avlodni milliy qadriyatlarimiz, ma’naviy merosimiz va kitobxonlikka oshno etish, ularning ijodiy qobiliyatlarini qo‘llab-quvvatlashda bunday maskanlarning o‘rni beqiyos.
❇️ Deputatlar tomonidan obyektni o‘rganish jarayonida uning hudud aholisi uchun ahamiyati, qurilish ishlarining borishi va kelgusida markaz faoliyatini samarali yo‘lga qo‘yish masalalari yuzasidan tegishli fikr va tavsiyalar bildirildi.
❇️ Shuningdek, hududdagi ijtimoiy va madaniy infratuzilmani rivojlantirish, aholi uchun qulay sharoitlar yaratish hamda saylovchilar murojaatlari va takliflarini joyida o‘rganish deputatlik faoliyatining muhim yo‘nalishlaridan biri ekani qayd etildi.
✅ Deputatlik nazorati doirasida olib borilayotgan bunday o‘rganishlar hududdagi ijtimoiy-madaniy obyektlarning holatini doimiy nazoratda tutish, mavjud masalalarni aniqlash va ularni bartaraf etishga ko‘maklashishga qaratilgan.
✨ Yangi “Qoshchinor ma’rifat markazi” kelgusida hudud aholisi, xususan, yoshlar uchun ma’naviyat, ma’rifat, ijod va madaniyatni birlashtirgan muhim maskanga aylanishi kutilmoqda.